【實測：觀塘新食街得唔得？】

【實測：觀塘新食街得唔得？】早前觀塘寶達商場開左條新食街，吹到好行，我周日早上就走左去八卦，諗住朝早無咁多人可以安樂食個brunch，點知⋯⋯

一樣好多人呀！人龍腸粉店「食好啲」，等左成45分鐘先有得食，我叫左「石磨馬崗鵝肉腸粉」($30)，鵝肉就見唔到啦，鵝骨都有幾舊既；等候之際餓到打鼓，諗住去「水餃皇后」求其叫碗湯餃頂住先，點知等得仲耐！叫既係招牌韭菜餃+熱賣芝士粟米餃，但後者一直都話未包好，等左個幾鐘，放棄啦，只食韭菜餃，不過實在無乜特別，所以video都無剪俾大家睇啦；咁係咪無野好食？又唔係，「撈得掂」既「泰式香蕉煎餅」($20) 好唔錯喎，煎得脆卜卜，仲加左煉奶響面，甜絲絲好味道！

值得一提係個街市好好行，乾淨企理，同行超市無分別，我買左麵包同生果，仲有一間無招牌的臨時店，入面零食同麵食都幾抵，不過唔少特價貨12月就到期，大家食得快都可以去尋下寶！

地點：觀塘秀茂坪寶琳路2號寶達商場地下M.C. BOX寶達市場
開放時間：7am-12mn(外圍食街) 7am-8pm (街市內食肆)