銅鑼灣最近開左間新餐廳叫「Neighbor」，一於同媽咪去撐下枱腳。
餐廳雖說係地舖，但主要既座位都置於二樓，綠化既環境，幽暗既燈光，座位闊落好坐。我地今晚點左兩個set dinner，價錢由百幾到二百幾，粉、麵、薄餅、扒類都有，選擇繁多。
頭盤沙律
沙律係Caesar Salad，蔬菜爽甜新鮮，麵包夠脆，芝士汁酸咪咪，而且夠晒大碗！
鵝肝多士 ($68)
另外叫左個鵝肝多士，鵝肝豐盈，牛油多士甘香，本來兩樣分開黎食，分別都好好，但如果一齊食呢，就稍嫌少少油膩。
雜菜湯
每人大大碗，雜菜唔算好多，不過調味頗佳，酸甜帶辣，而且無落忌廉，夠清，唔會肥，我鍾意！
銀鱈魚配檸檬牛油忌廉汁 (晚餐，$238)
主菜黎啦。呢個銀鱈魚值得推介，魚皮煎香，魚肉滑溜，用刀切開，魚肉一片片，夠實淨；底下既薯條夠粗，火候恰到好處，唔好錯過！
千島海鮮薄餅 (晚餐，$178)
餐廳做既係羅馬薄餅，全部都係薄批，夠脆夠香口；我地呢個係千島海鮮，酸甜有菠蘿粒，大愛！
乳酪雪糕
甜品係乳酪雪糕，竟然帶有煙靭既口感，甜甜既味道，好特別呀！
