【Barg】手指咁長既加拿大海膽

意大利餐廳Barg位於銅鑼灣耀華街既百樂中心，即Times Square旁邊，方便就腳之餘，地方大又唔駛同人迫，夜晚黎食飯實在very good。

餐廳裝修充滿歐陸風情，大枱頗多，座位寬敞，成班朋友黎吹水食飯都舒服。

點餐之後，經理先送上麵包，又暖又脆，仲可以加埋原隻焗蒜頭或香草牛油黎食，我最鍾意就係蒜頭，單係食包已經不亦樂乎！

加拿大海膽 ($128)

每一塊海膽都有成隻手指咁長，海膽鮮甜唔腥，有香濃海膽味，而且質感軟滑，唔駛加任何調味，就咁用紫菜包住食，已經好味到爆炸，大推！

香辣肉腸煮青口 ($168)

青口細細隻，新鮮嫰滑，汁底用茄膏同辣肉腸煮成，帶微酸同辣，夠醒胃，用黎點餐包食都好正。

牛頰肉軟腍入味，感覺有D似食牛腩，但帶有更多類似牛筋既質感，好多骨膠原呀！意大利飯好creamy，面頭灑滿芝士，廚師巧妙咁加入菠菜，成功減低意大利飯既膩滯感。

香燒美國豬肋骨 (半份，$198)

牛肋骨經過slow cook，肉質軟腍，容易離骨；面頭既BBQ醬調校得好，唔會太酸或過甜，好好食，係海膽以外既另一推介。