公司最近由尖沙咀搬左去觀塘，所以呢排都不斷探索呢頭有咩好餐廳食lunch。響鴻圖道有一間餐廳叫The Hunt Coffee & Roastery，外觀唔錯，雖然午餐收百幾蚊絕對唔平，不過仍然忍痛黎試試。
話雖午餐唔平，不過點餐仍然係要自己去counter買，呢點令我感到頗意外！百幾蚊，竟然無乜service！
我今日點既係Slow Cook Pork Rack ($138)，包一杯飲品，我揀左Honey Lime。上枱好靚，木板盛載，好grand，個肉汁係另外用透明杯仔裝開，仲插條草添，造型真係100分！
Honey Lime落足本，好多蜜糖，太甜，好彩我無攪到落底，所以味道都OK。
至於個豬柳，好嚡，無諗過slow cook可以煮到咁嚡，我食左一半就放棄左；反而個薯條幾好，灑上左味粉，好似shake shake薯條，係今餐最美味既一環。
