我唔止第一次幫襯「川熙樓」，不過今年初幫襯時，佢仲位於亞士厘道。念念不忘佢既辣子雞丁，知道佢搬左入君怡酒店，一於再黎encore。
新店地方大左，格調高左，餐牌都經過改頭換面，不過好彩，我至愛既辣子雞丁依然健在。
辣子雞丁 $158
估唔到，呢碟辣子雞丁既價錢竟然同舊舖一樣，無因為地段唔同左而加價。熟悉既味道，雞丁炸得脆口，既麻且辣，食三粒我個嘴就麻痺左，過癮！
牛肋肉燜米粉 $158
估唔到咁大碟！夠四個人食。牛肋肉燜得夠腍，配以冬瓜、芽菜、蔥段等配料，米粉燜得好入味，抵食。
樂山甜皮鴨，半隻 $198
鴨身應該用冰糖等醬汁浸過，鴨皮甜甜地，好好味，可惜係層皮略肥，愛美既女士一定唔敢食太多。鴨肉夠嫰，啖啖肉，可以一試。
