約左朋友到IFC傾野，早左朋友未到，不如自己先黎個靚brunch？
之前已經黎過IFC四樓平台既Glasshouse食晚飯，感覺唔錯，今日黎個「再度重遇你」。食評網話餐廳開11點，都的確係，門係開左，不過廚房未ready，要11:30先可以order。
見佢地有New Dishes Menu，眾裡尋她，揀左個越式牛肉湯麵，但呢碗麵一D都唔平，要成$168，點解？因為係用神戶牛柳做囉！
Kobe Beef Soup Noodles ($168)
先呷一口湯底，濃郁牛肉味，唔錯，之後再加入椒絲、青檸、炸蒜片，更加惹味。神戶牛柳上枱時仍然半熟，顏色粉嫰，脂肪分布平均，吃一口，非常軟滑，果然係一分錢一分貨！除左牛柳之外，仲有幾粒牛丸，腍身，但感覺無乜特別，都只係配角一名吧，哈哈！
周六中午，其實餐廳無乜人，但侍應都係要求我限時兩個鐘交枱 (縱使頭半個鐘我係唔可以order)，感覺有少少絕情，any肥，咁我轉場囉！
