【羅麥記】勁懷舊羅麥記

 

我地呢D大鄉里,久唔久都會出城既,屯門VCity開左咁耐,一直都未去過,今日終於有機會去見識下。

講真,商場無乜特別,The world is flat,響香港行一個商場同十個商場都無分別,不過行行下,見到呢間羅麥記就被佢吸引住,裝修好懷舊好特別,即刻覺得好肚餓添!

我地被安排坐響仿「九龍皇帝」真跡既餐枱旁邊,我真心好懷念呢位仁兄既書法,「九龍皇帝」真係我地既集體回憶呀,可惜而家都無晒lu。

講番野食。羅麥辣雞翼 ($53),唔好以為係一般既滷水雞翼,佢既豉油加左辣椒烹調,雞翼面頭亦灑上唔少辣椒籽,實在辣到我跳舞!

芝味牛肉蔥油餅卷 ($45),估唔到幾有驚喜!呢道菜將港式蔥油餅包住溶左既芝士同鮮牛,有Fusion意味,既有蔥花惹味,又有芝士既鹹香,好好食!

避風塘炒麵 ($65),面頭灑上唔少辣味乾蒜,阿媽,好辣呀!炒麵既材料都幾豐富,有魚塊、鮮蝦、魷魚等,味道係唔差既……如果你食得辣既話!

美祿牛奶包 ($35),好耐無飲過美祿啦,於是叫呢個黎試下。除左美祿粉同煉奶,廚師仲加入左粗粒花生醬,花生醬好香,但味道亦太搶,將美祿既味道蓋過,有少少喧賓奪主,但如果你當佢係奶醬多咁食,都依然係good既!



Leave a Reply

Your email address will not be published. Required fields are marked *


Social media & sharing icons powered by UltimatelySocial
Facebook
Instagram
YouTube
%d bloggers like this: