【京林屋】抹茶甜品外既好選擇 — 爽滑烏冬

做香港人真係幸福,想食咩好野,只要諗到,就隨時可以食得到。就好似日本抹茶雪糕咁,好選擇真係唔少,除左Via Tokyo,仲有「京林屋」呢條日本過江龍!

京林屋位於希慎廣場,我食過東京本店,發覺香港店水準真係拍得住日本,而且呢度裝修雅致,充滿日本風情,令人霎時間好似去左日本咁。

今日下午黎到,食甜品前想食下正餐先。讚岐烏冬($68)爽口、香滑,本地烏冬實在無得揮!食既時候,將本菇、蘿蔔蓉同wasabi加入湯汁內,啖啖烏冬都沾上湯汁,冰涼又美味。

抹茶蕎麥麵($78),抹茶味唔重,反而紫菜既香味更突出,食法同烏冬一樣,係另一個夏天好選擇。

香港限定芭菲($98),材料非常豐富:抹茶雪糕、抹茶蕨餅、糯米丸子、蛋糕、啫喱、紅豆、忌廉、士多啤梨……可以一次過滿足好多個願望!抹茶雪糕香滑,抹茶味濃,有奶香! 抹茶蕨餅有D似蒟蒻,清淡既抹茶味,完全係另一種口感; 糯米丸子軟綿綿夠煙靭;士多啤梨有少少果Jam Feel,好幸福既甜味,整體上感覺好好。

抹茶芝士蛋糕+熱桃味焙茶($108),抹茶同芝士味好夾,芝士蛋糕好Rich,餅底夠脆,非常喜歡;套餐可以自選熱茶,旁邊有個漏斗,俾你計算焗茶既時間,可以沖三杯左右,今日我揀左桃味焙茶,非常有桃香,淡淡既果味,解甜膩一流。



Leave a Reply

Your email address will not be published. Required fields are marked *


Social media & sharing icons powered by UltimatelySocial
Facebook
Instagram
YouTube
%d bloggers like this: